Во овој период од годината, секој вклучува малку блесок во својата шминка, облека и нокти! Денес ќе зборувам за мојот моментално омилен лак за нокти. Станува збор за лак од Golden Rose (кои навистина имаат предобри лакови) и е дел од нивната колекција Ice Chic. Ја обожавам оваа колекција бидејќи имаат слатки коцкасти шишенца и предобри нијанси.
Лакот чини 70 денари, а јас земав и уште еден во пастелно сина боја. Го носев овој лак околу една недела и не се ронеше. Уште нешто што ме изненади беше брзината на сушење на лакот. Обично брендовите го нагласуваат тоа на етикетата доколку ја имаат таа предност, па затоа бев позитивно изненадена. Името, односно бројот на нијансата е број 59.
Како и да е, навистина е храбра нијанса и секако не секој би сакал да ја носи на своите нокти. Мислам дека е совршена за Нова Година или Божиќна журка. Сигурна сум дека ќе го носам низ цел декември и јануари.
Кој е вашиот фаворит овој петок?
