Хајлајтерите се навистина ин во последно време! Заедно со овој тренд, и јас се заљубив во тој „изразен хајлајт, мат усни“ изглед. Но имав потешкотии да најдам хајлајтери кои одговараат на мојата кожа, или едноставно немаа доволна сила за осветлување. Сакав да најдам нешто што има јак хајлајт, но исто така не е претерано со цената.
По кратко истражување, ја најдов оваа палета од Catrice. Бидејќи досега немав ниту еден производ од Catrice ова значење верување во слепо за овој бренд, но не зажалив. Цената беше околу 230 денари.
Палетата има три нијанси: шампањ боја, многу светла - кон бела - боја, и боја на чоколадо. Лично за мојата кожа најмногу ми одговара комбинација од двете посветли нијанси. Шампањ бојата одговара на тонот на мојата кожа, а посветлата нијанса имаше мали розеви светки кои уште повеќе го изразуваат хајлајтот.
Пакувањето е во проѕирна пластична кутија. Не е претерано украсно, но мене ми се допаѓа бидејќи можат да се видат сите нијанси од палетата.
Би го препорачала овој производ на секој кој сака добар хајлајтер кој не чини цело богатство, или за сите оние кои почнале со купување на подароци за Божиќ. Супер подарок кој изгледа преубаво и елегантно.
Дали сте го пробале овој производ?
