Новогодишни нокти! Или барем новогодишни лакови за нокти, ако не ве бива за цртање на нокти, како мене. Токму поради тоа го користам Evelyn лакот со крупни светки. Сите прсти ги лакирам со една боја, освен по еден прст од двете раце на кои ставам лак со светки. Едноставно, а изгледа супер. Да, тешко се отстранува како и секој лак со светки но убавината чини.
Интересна нијанса ми е и оваа тиркизна нијанса. Боја која одговара на секоја сезона - пролет, лето, есен и зима. Pacific Rapsodi ја имаат оваа нијанса со број 32.
Секогаш ќе биде модерно црвено и сребрено за оваа сезона. Како што напоменав, со лакот со светки, оставете еден прст за истакнување а останатите лакирајте ги во црвено. Оваа длабока бургунди црвена нијанса што ја користев е од Аvon (Cherry Jubilee).
Во последно време навистина сакам млечни или малку розеникави нијанси, односно сите нијанси кои водат кон бело. Лаковите на сликата се розеникава бела нијанса од Avon (Pastel Pink) и млечна боја од Golden Rose (Nail Lacquer number 10).
Според мене, ова се некои од лаковите кои мислам дека се must have оваа сезона. Ова не беше спонзорирано од ниеден бренд, едноставно сакав да ви покажам дел од лаковите кои ги имам во мојата колекција.
Ви благодарам што ме читавте! Гушки!
